Hih sung ah Songput Beh sung ah a om min khempeuh kikoih sawm hi. Tua ban ah pianna khua, omna States-te leh nasep, pilna laitante ban ah mimal khatciat i tangthu tomno zong kikoih thei lai hi. Leitung mun tuamtuam pan ki-en thei ding a, mun tuamtuam pan in zong thu leh late kibehlap thei ding hi lai hi. A zat dan ding a dawldawl in kikhen hi. (1) Mipi: hih website a lut khempeuh in beh sung ah a om minte, pianna khua, omna state-te leh khang nambat tungtawn in en thei, zong thei hi. (2) Member:- Member suahna ding in ki-apna link pan min apna kibawl thei hi.Beh sung mi ahih kei leh mi muan mahmahte member in kikoih thei hi. Member-te in lai gelh(post) thei ding a, mipi et theih teng ban ah phone nambat, suah kum, laitan, nasep, ukna(hobby) cihte en thei ding uh hi. (3) Moderator-(laikem):- Member a suak khin, mi muan mahmahte Moderator ah kikoih thei hi. Moderator in member khat hih theih teng hih thei hi. Tua ban ah, hih sung ah om minte, thu tuamtuamte, behlap, khel, phiat thei hi. A hun zui in minte behlap a kulte a behlap toto, a puah toto dingte ahi hi. Member suak ding min apna a bawlte phalna or phal nai lohna a pia theite ahi hi. (4) Admin-(Thuvan):- Admin khat in moderator sep theih khempeuh sem thei hi. Member pan moderator ah mi koih thei hi. Hih min khumna saalpi sung ah beh sung ah tate, tute, makte leh mote min zong kihel sak hi. Ahih theih leh mo or makte nu leh pa min, pu leh pi min dong kiciamteh thei hi. Tute(ta numei i tate) a min ciang uh kiguang ding a, beh dang tawh a kiteen uh leh a ban kiciamteh thei nawn lo ding hi. Ngaihsutna piakna tuamtuam na neih uh leh lungsit lo takin hong puak un. Lungdam. ** Hih website pen mimal hanciamna tawh a kibawl ahi hi. **