Leitung ah a pil, a hau, a minthangte bek kiciamteh in a dang teng kiphawk kha lo hi. Ahih hangin, beh sung ah minte hoih tak a kiciapteh theih leh mai lam ah a kikem toto thei ding hi a, mawk maimang ding ahi nawn kei hi. A diakdiakin Zomite in beh tawh kisai ciaptehna thahat bilbel ahih manin lungdam huai hamphatna khat ahi hi. Unau sanggam kizong kikna ding ah a kisam mahmah khat ana hi hi. Leitung pilna leh khantohna tuamtuamte hangin mun tuamtuam ah kitung a, thu kaihkhopna leh laibu sung ah ciaptehnate hong haksa semsem hi. Ahi zongin, computer leh internet kizopna hoih tak ih zat theih leh hong lem zaw tham kik hi. Hih website tungtawnin mun tuamtuam pan beh sung ah om min leh kizopna, tangthu leh theih nop tuamtuamte olno takin kingah thei ding ahih ban ah, behlapnop a om zelte zong mun tuamtuam pan a kibehlap thei ding ahi hi. Beh ki-unau Songput, Thawmte leh Lethil in a zat theih pah lian dingin a kikoih ahi hi. A dang a zangh nuam a om leh zong a mawkna tawh zat theih dingin hong kihuh nuam lai hi. Lungdam, Laizompu.
